Hidhet poshtë padia ndaj Ronaldos

Padia e cila ishte ndaj Cristiano Ronaldos, pasi thuhej se e kishte dhunuar një grua është hedhur poshtë nga gjykata.

Përdorimi i paligjshëm dhe i përsëritur i dokumenteve të ndaluara bëri që çështja civile kundër sulmuesit të përjashtohej nga gjykata.

Një padi e ngritur kundër Cristiano Ronaldos nga një grua që akuzoi yllin e Manchester United për sulm seksual është hedhur poshtë nga një gjykata e qarkut amerikan në Las Vegas.

Gjyqtarja federale, Jennifer Dorsey vendosi se padia e ngritur nga Kathryn Mayorga bazohej në dokumente konfidenciale “të fshehura” të marra nga avokati i saj, të cilat kishin “njollosur” çështjen e saj.

Sipas vendimit me shkrim të gjykatës, “Mayorga humbet mundësinë e saj për të ndjekur këtë çështje dhe për të tentuar të zbusë zgjidhjen e pretendimeve që, vetë, implikojnë akuza serioze të një natyre shumë personale.

Ata kanë marrë informacione në mënyrë të paligjshme për të ngopur pretendimet e saj.

Asgjë më pak se një shkarkim pa paragjykime do të pastrojë njollën që ka përshkuar këtë çështje që nga fillimi i tij dhe do të ruajë integritetin e procesit gjyqësor”, thuhej në vendimin e gjykatës, përcjell lajmi.net.

Avokati i Mayorga-s, Leslie Stovall, kishte marrë dokumente në lidhje me rastin e sulmit seksual nga krijuesi i ‘Football Leaks’, Rui Pinto, të cilat gjyqtari vendosi se ishin konfidenciale dhe të ndaluara dhe për këtë arsye ishin të papranueshme si prova.

“Përdorimi i përsëritur i dokumenteve të vjedhura e të privilegjuara nga Stoval për të ndjekur penalisht këtë rast ka çdo tregues të sjelljes së keqe. Dhe për shkak se të dhënat tregojnë se ai dhe Mayorga i kanë shqyrtuar gjerësisht këto dokumente dhe i kanë përdorur ato për të krijuar bazën e pretendimeve të Mayorga-s, thjesht bie poshtë kjo padi” thuhej nga gjykata.