Ballkani me rezultat 10:0 kalon në rundin tjetër të Ligës së Konferencës
Ballkani e ka mposhtur bindshëm 6:0 La Fioritan në ndeshjen kthyese në “Fadil Vokrri” të martën, dhe ka siguruar biletën për në fazën e tretë kualifikuese të Ligës së Konferencës me rezultat të përgjithshëm 10:0.
Kampioni i Superligës u bë skuadra e parë kosovare që shënon gjashtë gola në një ndeshje të garave evropiane, duke thyer rekordin e Prishtinës që kishte shënuar pesë.
Albion Rrahmani ishte padyshim ylli i mbrëmjes. Rrahmani realizoi hat-trick, duke u bërë lojtari i parë i një skuadra kosovare që shënon tre gola në një ndeshje të garave evropiane.
21-vjeçari realizoi në minutën e gjashtë, tetë dhe 69-të.
Dy gola shënoi mbrojtësi i ardhur këtë verë te Ballkani, Leonit Abazi (73’ 90’), ndërsa Ermal Krasniqi realizoi një gol në minutën e 75-të.
Ballkani në rundin e tretë kualifikues e pret fituesin e ndeshjes mes Sutjekas ose Klaksvikut.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]