Fjalë Kyçe

A do të bëhet Rashica shitja më e shtrenjtë e Werderit

A do të bëhet Rashica shitja më e shtrenjtë e Werderit

Forma e Milot Rashicës te Werder Bremeni gjithnjë është duke u përmirësuar.

Bild sot ka shkruar një artikull për Milot Rashicën, i cili në ndeshjen e fundit ndaj Wolfsburgut shënoi dy gola për t’ia dhënë pikët e plota ekipit të tij, transmeton Koha.net.

Me ato dy gola Rashica shkoi në kuotën e shtatë golave në nëntë ndeshjet e fundit, derisa kujtojmë se kishte pësuar edhe një lëndim këtë sezon që e ka lënë jashtë fushës për disa ndeshje.

Bild shkruan se Rashica mund të bëhet futbollisti më i shtrenjtë te Werderi nëse ai do të shitet.

Sipas këtyre raportimeve nga shitja e Rashicës, Werderi do të arkëtonte rreth 50 milionë euro, që do ta bënte atë lojtarin më të shtrenjtë në histori të klubit gjerman.

Rekordin aktual e mban braziliani Diego, i cili më 2009 ishte transferuar te Juventusi për 27 milionë euro.