Aeroplani luftarak rus bën fluturim të rrezikshëm pranë një F-16 të SHBA-së pranë Alaskës

Videoja e postuar më poshtë, tregon momentin kur një aeroplan rus fluturon vetëm disa metra larg një F-16 të Forcave Ajrore të SHBA.

Takimi i rrezikshëm nga afër ndodhi më 23 shtator pranë hapësirës ajrore të Alaskës, teksa piloti amerikan u drejtua të interceptonte Su-35 rusi.

“Sjellja e një Su-35 rus ishte e pasigurt, joprofesionale dhe rrezikonte të gjitha – jo atë që do të shihni në një forcë ajrore profesionale”, tha gjenerali Gregory Guillot, komandant i NORAD dhe Komanda Veriore e SHBA.

Aeroplani i NORAD fluturoi “një rutinë të sigurt dhe të disiplinuar” për të interceptuar aeroplanin, shtoi gjernali amerikane, transmeton Telegrafi.

Senatori amerikan Dan Sullivan, anëtar republikan i Komitetit të Shërbimeve të Armatosura të Senatit të SHBA, tha se kalimi i afërt i aeroplanit rus është një arsye tjetër për të ndërtuar praninë ushtarake të Amerikës në Alaskë dhe në Arktik.

“Manovrat e pamatura dhe joprofesionale të pilotëve luftarakë rusë – vetëm pak metra larg luftëtarëve tanë me bazë në Alaskë – në ADIZ të Alaskës më 23 shtator vënë në rrezik jetën e pilotëve të aeroplanëve tanë dhe nënvizojnë agresionin në rritje që po dëshmojmë nga diktatorë si Vladimir Putin”, tha Sullivan në një deklaratë.