Tashmë është shumë e sigurtë. Afrim Tovërlani nuk do të rikthehet te FC Prishtina, të paktën derisa në krye të klubit kryeqytetas do të jenë drejtuesit aktual.
Këtë e ka konfirmuar nënkryetari i FC Prishtinës, Afrim Muçiqi, i cili ishte i ftuar në emisionin “Sports Show” në Klan Kosova.
“FC Prishtina nuk është Shoqata Nënë Tereza, apo klub i dëshirave. Është e drejtë e secilit të mblidhet në kafene dhe të bëjnë plane se cilin nga miqtë do ta dërgojmë në klub, sepse Prishtina nuk është klub i dëshirave. Pavarësisht se kush e kërkon, Afrim Tovërlani nuk do të jetë pjesë e klubit të FC Prishtinës. Tovërlani e di mjaft mirë pse nuk mund të jetë pjesë e FC Prishtinës”, deklaroi Muçiqi.
Ndërmjet të tjerash Muçiqi bëri edhe një pyetje interesante për “Tokin”.
“Trajnerët të cilët kanë dalë nga FC Prishtina rezultatet i kanë 0. Cilën ndeshje ndërkombëtare e ka udhëhequr Afrim Tovërlani jashtë Kosovës? Edhe për shumë arsye të tjera ai e di pse nuk mund të jetë trajner i FC Prishtinës”, deklaroi nënkryetari i FC Prishtinës.
Deklaratën e plotë mund të ndiqni në linkun e mëposhtëm: