Ahmetaj: Në Vetëvendosje promovohet Erdoganizmi e islamizmi

Sami Ahmetaj, ka dhënë dorëheqje sot nga Këshilli i Përgjithshëm i Lëvizjes Vetëvendosje, derisa i është bashkuar partisë së Ramush Haradinaj, raporton Gazeta Express.

Ahmeti i ftuar në emisionin Frontal në T7 me Arsim Lanin ka pasur kritika për Lëvizjen Vetëvendosje.

Ai ka thënë se në këtë subjekt promovohet Erduganizmi e islamizmi.

Aty ka njerëz që promovojnë Erduganizmin e islamizmin. Unë nuk jam islamofob. Unë kam dy vëllezër që më shumë rrinë në xhami se në shtëpi. Por për neve është shqiptaria”, ka deklaruar ai.

Përndryshe, Ahmetaj është shprehur i pakënaqur pasi kreu i Vetëvendosjes, Albin Kurti, kishte akuzuar partitë tjera për hajni, ndërsa e kishte amnistuar Isa Mustafën.

“Në tubimin e Vetëvendosjes që është mbajtur në muajin maj të vitit 2019, Albini i shpalosi pikëpamjet e tij në lidhje me PAN hajninë. Mua më pengoj se ai e ndau hajnin si me thikë, LDK’në e amnistojë. Unë dola kundër kësaj. Albini nuk tha PLAN hajnia po PAN hajnia, Isa Mustafën e amnistojë”, tha ai.

Tutje, shtoi tha se nuk i ka pëlqyer as që njerëz të ‘recikluar’ të partive tjera kanë hyrë në Vetëvendosje.