Ahmeti tregon se kush do ta udhëheqë Drejtorinë e Arsimit në Prishtinë
Kryetari i Prishtinës, Shpend Ahmeti, ka thënë se Shpresa Shala do të jetë drejtoreshë e Arsimit në Komunën e Prishtinës.
Ai këtë e bëri të ditur në emisionin “Ju flet Prishtina” në Klan Kosova.
“Drejtoreshë e Arsimit do të jetë Shpresa Shala. Ajo ka qenë drejtoreshë në shkollën “Xhemajl Mustafa” dhe është e shkëlqyer në punën e saj. Shala ka pasur një bashkëpunim të shkëlqyer me Këshillin e Prindërve dhe Këshillin Drejtues të shkollës si dhe ka pasur rezultat të mirë te nxënësit.
“Po mundohemi t’i avancojmë njerëzit e suksesshëm në pozita”.
Drejtorinë e Arsimit e ka udhëhequr Jonuz Salihaj nga AAK, por partia e tij para pak ditësh ka kërkuar lirimin nga detyra të tij.
AAK është në koalicion në Komunën e Prishtinës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]