Ajër i ndotur në Prishtinë, IKSHPK-ja apelon për kujdes
Instituti Kombëtar i Shëndetësisë Publike në Kosovë ka apeluar për kujdes te qytetarët e ndjeshëm, për shkak të ajrit të ndotur në Prishtinë të martën në mëngjes.
IKSHPK-ja ka rekomanduar që të reduktohen daljet, sidomos për personat që kanë sëmundje kronike kardiovaskulare dhe respiratorë, fëmijët dhe shtatzënat. Është rekomanduar që të përdoret më shumë transporti publik dhe ecja e më pak veturat, që të reduktohet përdorimi i lëndëve të ngurta të djegies në shtëpi e që të mos digjen vaji i përdorur, goma plastike, mbeturina, thëngjilli e drunjtë e lagësht për ngrohje.
Është rekomanduar po ashtu që kushdo që del në ajër jo të shëndetshëm të përdorë maskën mbrojtëse.
Prishtina tashmë është epiqendër e ajrit të ndotur në rajon e më gjerë. Në vazhdimësi është raportuar për ajrin e ndotur në kryeqytet. Viteve të fundit Prishtina është renditur në majë të vendeve me ajrin më të ndotur në botë. Gjendja përkeqësohet gjatë stinës së dimrit.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]