Fjalë Kyçe

Albulena Haxhiu akuzon Thaçin e Mustafën për rrëzimin e qeverisë, thotë se LDK tradhtoi qytetarët

Albulena Haxhiu akuzon Thaçin e Mustafën për rrëzimin e qeverisë, thotë se LDK tradhtoi qytetarët

Ministrja në largim e Drejtësisë, Albulena Haxhiu ka thënë se Qeveria u rrëzua me mocionin e planifikuar nga presidenti Hashim Thaçi dhe kreu I Lidhjes Demokratike të Kosovës, Isa Mustafa.

Ajo tha se LDK iu kthye atyre që e zhvatën shtetin që 20 vjet.

Gjithashtu, Haxhiu akuzoi LDK’në se e tradhtoi besimin e qytetarëve.

Në fund, Haxhiu u tha qytetarëve të mos dëshpërohen sepse do të kthehen edhe më fuqishëm.

Më poshtë gjeni shkrimi i plotë të Haxhiut.

Të dashur qytetarë,

Më 6 tetor, ju na dhatë mbështetjen për të qeverisur me vendin.

Që nga 3 shkurti, ditën kur u votua Qeveria, ne kemi punuar pa u ndalur për të jetësuar programin e zotimet tona, me nderë e përkushtim.

Sot, Qeveria u rrëzua me mocionin e PLANifikuar nga Thaçi&Mustafa.

LDK sikur edhe herëve të tjera iu rikthye gjirit të vjetër, iu rikthye atyre që e zhvatën shtetin që 20 vite.

Ndryshimet që i nisëm për shtetin e së drejtës, zhvillimin ekonomik e mirëqenien, arsimin e shëndetësinë, na lanë në gjysmë, LDK tradhtoi besimin e qytetarëve.

Të dashur qytetarë, mos u dëshproni sepse ky shtet do të bëhet dhe do rikthehemi edhe më fuqishëm e edhe më të fortë dhe atë shumë shpejt dhe do t’i vazhdojmë punët e mira që i kemi nisur!