Arrestohet gjakovari që vrau qenin pasi ia sulmoi familjarët dhe qenin

Një person në Gjakovë është arrestuar të hënën në mbrëmje pasi dyshohet se ka vrarë me pushkë gjuetie një qen për të cilin ka thënë se i ka hyrë në oborr dhe ia ka sulmuar familjarët e ia ka mbytur qenin e tij.

Sipas raportit 24-orësh të Policisë, i dyshuari në fshatin Race posedon lejen për armën e gjuetisë.

Është iniciuar rast për “përdorim të armës apo mjetit të rrezikshëm”. I dyshuari është arrestuar dhe pas intervistimit me vendim të prokurorit është liruar në procedurë të rregullt.

Rasti është raportuar në Polici nga pronari i qenit të vrarë.

“Fsh. Race, Gjakovë 18.03.2024-19:00. Ankuesi mashkull kosovar ka njoftuar se në oborrin e të dyshuarit mashkull kosovar kishte gjetur qenin e vrarë nga arma e zjarrit. I dyshuari ka njoftuar se qeni i ankuesit kishte hyrë në pronën e tij –në oborr duke ja sulmuar familjaret dhe ja kishte mbytur (ngulfatur) qenin e tij. I dyshuari me pas ka reaguar duke mare pushkën e tij te gjuetisë për të cilën posedon leje dhe e ka goditur me një fishekë në drejtim të qenit, duke eliminuar rrezikun. Si pasojë e kësaj, qeni ka mbetur i ngordhur. Arma dhe një gëzhojë janë sekuestruar”, thuhet në raportin e plotë të Policisë.