Fjalë Kyçe

Arrihet marrëveshja mes Manchester Unitedit dhe Sanchos, këto janë të rejat e fundit

Arrihet marrëveshja mes Manchester Unitedit dhe Sanchos, këto janë të rejat e fundit

Manchester United thuhet se ka arritur marrëveshje personale me Jadon Sanchon, shkruan Zeri.info.

Krerët e klubit anglez janë takuar me përfaqësuesit e Sanchos, pasi lojtari është i grumbulluar me Kombëtaren e Anglisë për “Euro 2020”.

“Djajtë e Kuq” dhe përfaqësuesit e sulmuesit anglez thuhet se kanë arritur marrëveshje mes vete, teksa kontrata do të jetë e vlefshme deri në vitin 2026.

Manchester United tani besohet se ka nisur bisedimet me klubin e Borussia Dortmundit. Klubi gjerman 21-vjeçarit i ka caktuar çmimin prej 95 milionë eurove. Ende nuk ka marrëveshje të arritur mes klubeve.

Ndryshe, Jadon Sancho ka kontratë të vlefshme me Borussia Dortmundin deri më 30 qershor të vitit 2023.