Arsenali i armëve në veri u kap në pronat e të kërkuarve për sulmin në Banjskë

Policia e Kosovës ka konfiskuar sasi të konsiderueshme armësh gjatë operacionit të sotëm në veri, në të cilin ka kontrolluar dy lokacione, njëri në pronësi të Marjan Radojeviqit e tjetri të Zarko Cvetkoviqit.

Radojeviq e Cvetkoviq janë në listën e të kërkuarve për sulmin në Banjskë më 24 shtator, në të cilin mbeti i vrarë rreshteri Afrim Bunjaku.

Sipas njoftimit të Policisë, njëri lokacion nga ku u konfiskuan armët ishte afër vendit të njohur si “Tre Rokaqiejt” i lidhur me Radojeviqin, ndërsa tjetri në rrugën “Qeta e Minatorëve” i lidhur me Cvetkoviqin.

Armët e konfiskuara:

Lokacioni 1:

•3 Arme te gjata AK-47

•4 Karikatore me 60 fisheke

•1 keher me 11 Fishek

•1 kellef revole

•1 cante ushtrake

Lokacioni 2:

•1 rrip brezi me 25 fishek per arme gjuetie.

•23 fishek per arme gjuetie

•Pistolete TT me 1 karikatore me 8 fishek

•3 karikator me nga 8 fishek

•2 karikator ne fotrolle

•28 fishek per arme te gjate

•10 kreher me fishek te armës se gjate (99 fishek)

•1 kuti me fishek 7×62

•4 pastruese te armës

•Kuti me lende te dyshimte

Lokacioni 3:

•Arme e gjate me bajonete

•1 pistolete me 2 karikatore me nga 8 fishek 7×62 dhe 1 fotroll.

•Cante e zeze me pajisje per pastrim te armës

•2 kutia me nga 50 fishek 7×62

•3 karikatore me fotrolla me nga 8 fishek

•Arme e gjate gjuetie me cante.

Lokacioni 4:

•Iriq metalik

•Jelek i brendshëm Antiplumb

•30 cope mjet i dyshuari Eksploziv TM 100

•1 Uniforme

•Cante e zeze me pajisje te ndihmës se pare

•Adapter per Radiolidhje

Policia bastis dy vende në veri, gjen armë

(17:49) – Policia e Kosovës të premten është duke zhvilluar operacion në veri, ku ka bastisur dy vende dhe ka gjetur armë.

Zëvendësdrejtori i Policisë në veri, Veton Elshani, ka thënë se nuk mund të japë detaje të tjera pasi “bastisja ende s’ka përfunduar”.

Ai ka konfirmuar gjetjen e armëve, megjithatë për sasinë ka thënë se do të ketë njoftim të mëvonshëm.

Policia ka paralajmëruar konferencë për media nga ora 19:30, në të cilën do të paraqitet sasia e armatimit e konfiskuar në këtë aksion.

Policia pati aksion edhe të enjten në veri. Në fshatin Uglarë të Zubin-Potokut kapi granata dore e armë të gjata. Një person u arrestua.