Bale tek Bayern Munich? Flasin Niko Kovac e Thiago Alcantara

Gareth Bale është një nga lojtarët me situatën më të vështirë, pasi nuk pëlqehet tek skuadra e tij, Real Madrid.

Bale nuk do të ketë vend në planet e Zinedine Zidane, dhe një gjë e tillë i është bërë me dije lojtarit tash e sa kohë, por uellsiani ka refuzuar të ndërpres kontratën me ‘Los Blancos’.

Së fundmi, emri i Bale po lidhet me një kalim të mundshëm tek skuadra e Bayern Munich, dhe për një gjë të tillë janë pyetur edhe Niko Kovac dhe ylli bavarez, Thiago Alcantar.

“Do të doja që gazetarët  të dëgjojnë me kujdes ato që kam për të thënë. Bale është një lojtar i jashtëzakonshëm, si disa lojtarë të tjerë që janë ashtu. Nuk mund t’iu them nëse ai mund të luajë diku tjetër nga Real Madrid dhe nëse ai do të ketë sukses në ato skuadra. Nuk e di, nuk mund ta parashikojë” ka thënë Kovac, transmeton lajmi.net.

Tutje një koment për transferimin e mundshëm të Bale tek Bayern ka dhënë edhe ish anëtari i Barcelonës, Thiago Alcantara.

“Është e lehtë të thuhet nëse ai do të ishte i mirëpritur tek Bayern Munich. Ne veçse kemi folur për tre lojtarë. Robben, Ribery dhe Bale. Të tre luajnë në pozitën e njëjtë, në krahë. Nëse dikush si Bale dëshiron të vije këtu, ashtu siç thash,do të jetë shumë i mirëpritur” ka thënë mesfushori spanjoll.

Mbetet të shihet nëse një marrëveshje mes Gareth Bale dhe Bayern Munich do të arrihet gjatë kësaj merkatoje.