Ballkani fiton me vështirësi ndaj Malishevës dhe kalon në çerekfinale të Kupës së Kosovës
Ballkani është skuadra e radhës që ka siguruar plasmanin në çerekfinale të Kupës së Kosovës.
Suharekasit edhe pse me shumë mund, kanë arritur ta eliminojnë nga garat e Kupës rivalin rajonal Malishevën.
Ka qenë një ndeshje shumë e fortë, ku në fund vendosi vetëm një gol në minutat e fundit për ta përcaktuar fituesin e që ishte Ballkani 1-0.
Pjesa e parë kishte disa raste shënimi nga dyja ekipet, por pa arritur të tundet rrjeta duke përfunduar 0-0.
Ekipi i udhëhequr nga Ilir Daja shtoi trysninë ndaj mysafirëve në pjesën e dytë, derisa gjetën golin 10 minuta para fundit, shkruan telegrafi.
Ishte sulmuesi llapjan, Albion Rrahmani që shënoi golin e vetëm në këtë takim, gol që doli të jetë i fitores 1-0.
Ballkani në çerekfinale i bashkohet skuadrave si Drita, Gjilani, Ulpiana, Ramiz Sadiku dhe Onix.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]