Behgjet Pacolli rizgjidhet kryetar i AKR-së

Behgjet Pacolli ka bërë të ditur se është rizgjedhur kryetar i Aleancës Kosova e Re.

Përmes një njoftimi në Faceboook, Pacolli thotë se AKR-ja do të prezantohet si alternativë liberale në vend në fokus të zhvillimit ekonomik, ekonomisë së lirë të tregut dhe pro-biznesit, politikë që mundëson krijimin e vëndevë të reja të të punës.

Tutje ai thotë se kjo parti do të kthehet me një vizion dhe ekip të ri që do të ofrojë alternativë politike e ekonomike në Kosovë.

Postimi i plotë:

Sot, Aleanca Kosova e Re rikonfirmoi mbështetjen e saj për udhëheqjen e mëtejshme të partisë nga unë dhe hapjen e një kapitulli të ri ku AKR-ja do të prezantohet si alternativë liberale në vend në fokus të zhvillimit ekonomik, ekonomisë së lirë të tregut dhe pro-biznesit, politikë që mundëson krijimin e vëndevë të reja të të punës.

Kosova është në një moment kritik ku më shumë se kurrë ka nevojë për unitet dhe konsensus për temat kryesore, bota po ndryshon dhe ne duhet të gjejmë vullnetin për të kapërcyer sfidat e mëdha së bashku.

AKR do të kthehet me një vizion, program dhe ekip të ri që do të ofrojë alternative politike dhe ekonomike në vend.