Broja shënon gol në Holandë
Armando Broja vjen nga stoli dhe shënon sërish për Vitessen, por këta të fundit u mposhtën me rezultatin e thellë 4-1 në transfertën ndaj Venlo, duke mbetur kështu ndjeshëm mbrapa Ajaxit kryesues të renditjes.
Në një sfidë ku fitorja dukej një mision jo shumë i vështirë për Vitessen, sulmuesi i Kombëtares Shqiptare u la në stol fillimisht për t’u aktivizuar në fillim të pjesës së dytë, atëherë kur Venlo kishte shënuar 3 herë me grekun Georgios Giakoumakis.
Armando Broja shënoi golin e vetëm të Vitesses në minutën e 60’, duke provuar të rihapë ndeshjen, por vetëm kaq, pasi në të 79-ën greku Giakoumakis shënoi sërish dhe kompletoi pokerin personal, duke mbyllur llogaritë.
Ky është goli i shtatë sezonal për sulmuesin në pronësi të Chelsea-t, që në vitin e parë me Vitessen ka luajtur 14 ndeshje dhe ka dhënë edhe një asist, duke u konfirmuar si një nga talentet më premtues.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]