Fjalë Kyçe

Calhanoglu tradhton Milanin për rivalin lokal, nesër pritet t’i kryejë testet mjekësore te Interi

Calhanoglu tradhton Milanin për rivalin lokal, nesër pritet t’i kryejë testet mjekësore te Interi

Hakan Calhanoglu është që katër vite pjesë e Milanit, por që do të largohet gjatë afatit kalimtar të verës.

Mesfushori turk do të mbetet futbollist i lirë javën e ardhshme, pasi kontrata me Milanin skadon më 30 qershor.

Edhe pse ka pasur ofertë nga Rossonerët për të vazhduar kontratën, Calhanoglu ka vendosur t’i tradhtojë ata për rivalin lokal, Interin.

Fabrizio Romano ka raportuar se reprezentuesi turk ka vendosur që t’i bashkohet Interit.

Gjithnjë sipas gazetarit italian, Calhanoglu nesër (e martë) do t’i kryejë kontrollet mjekësore tek kampioni në fuqi i Italisë.

27-vjeçarin e pret një kontratë tre vjeçare te Interi, por që nuk janë zbuluar bonuset dhe paga që do të fitojë.

Gjithsesi kjo po llogaritet një tradhti e Calhanoglus, pasi shumë tifozë Rossonerë kanë dalë kundër tij në rrjetet sociale.