Casillas do të kandidojë për president të Federatës Spanjolle të Futbollit
Iker Casillas thuhet se do të jetë rival i Luis Rubiales në zgjedhjet e ardhshme presidenciale të Federatës së Futbollit Spanjoll (RFEF).
Ish-portieri i Real Madridit, i cili aktualisht është në Porto do t’i jepte fund karrierës së tij futbollistike nëse ai bëhet presidenti i RFEF.
Sipas mediumit El Larguero, Casillas tashmë ia ka komunikuar vendimin e tij Këshillit Kombëtar të Sportit.
Siç raportuan mediumet Cope dhe Radio Marca një muaj më parë, spanjolli po mendonte për mundësinë e pjesëmarrjes në zgjedhje.
Në një sondazh të realizuar nga gazeta Marca, 94 për qind e tifozëve treguan mbështetjen e tyre për kandidaturën hipotetike të Casillasit.
38-vjeçari tashmë është takuar me disa nga ish-bashkëlojtarët e tij të kombëtares për t’i kërkuar që ta ndihmojnë në zgjedhje.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]