Challandes nënshkruan kontratën e re dyvjeçare me FFK-në

Bernard Challandes pas firmosjes së kontratës ka folur për grumbullimin që nis sot, pastaj për vështirësitë që Kosova ka me lojtarët, si dhe rëndësinë e ndeshjeve me Moldavinë e Greqinë në kuadër të edicionit të dytë të Ligës së Kombeve.

“Nuk do të jetë e lehtë për të pasur një ekip të komponuar për dy ndeshjet e radhës, pasi kemi situata të ndryshme. Në një situatë të tillë është shumë e vështirë të gjejmë një komponim dhe është rrezik të gjejmë lojtarë që sapo kanë filluar përgatitjet. Besoj se do të bëjmë një ekip ideal si ndaj Moldavisë dhe Greqisë. Ndoshta, për juve do të jetë e vështirë të kuptoni se si do ta kompletojë ekipin në këtë situatë. Është një periudhë e vështirë për tërë botën dhe ne duhet të përballemi me këtë situatën e pandemisë”, ka thënë Challandes në konferencë për media. “Nuk dua të flas me emra te veçantë për lojtarët por do të kemi situata të ndryshme me ligat prej nga vijnë. Ne do të bëjmë të pamundurën t’i kemi të gjithë për Moldavinë pastaj ata të kthehen në vendet e tyre, kurse me pjesën tjetër të paraqitemi me Greqinë. E kemi parasysh se Kosova është në listë të zezë prej shumë vendeve, ne kemi qenë vazhdimisht në kontakte me lojtarët por ne disa situata kemi me vendimet e qyteteve, e në disa me të shteteve. Dhe në këtë situatë ka qenë e pamundshme të bëjmë diçka më shumë në këtë aspekt”

Ai ka thënë se duhet adaptuar me këto sfida të reja.

“Është një situatë e re për krejt botën e futboll, ndonëse nuk është e pranueshme. Por, të gjithë duhet të adaptohen pasi kemi lojtarë që luajnë nëpër liga të ndryshme dhe besoj se nuk do ta kenë problem të adaptohen edhe me këtë situatë. Ajo që është tani është se lojtarët që janë në mes të transferimit, uroj që të vendosin sa më shpejtë në mënyrë që të jenë të gatshme për ndeshjen e tetorit”, tha Challandes: “Liga e Kombeve para fillimit të kampionatit evropian dhe para fillimit të Botërorit janë krejtësisht të ndryshme. Liga e Kombeve tash është një garë ku duhet të marrim përvojë, të përgatitemi sa më mirë. Pra, ndeshjet e këtij muaji do të jenë përgatitje të mira për ndeshjen e tetorit që e luajmë kundër Maqedonisë së Veriut. Tani luajmë në Ligën C, ku kemi kundërshtarë të fortë si Sllovenia e Greqia por edhe Moldavia nuk është e dobët. Tash, ndoshta është më vështirë, por është më mirë për përgatitje. Do t’i kushtojmë rëndësi të veçantë edhe Ligës së Kombeve ku tashmë kemi bërë progres pasi jemi në Ligën C”.