City festoi në Angli

“Citizens” nuk arritën ta fitonin Championsin por u “ngushëlluan” me suksesin e radhës në Premierligë

Manchester City e pati një vit me ndjenja të përziera.

“Citizens” nuk arritën ta fitonin Ligën e Kampionëve, ku u mposhtën në finale nga Chelsea.

Mirëpo, “Qytetarët” u ngushëlluan megjithatë pasi e fituan titullin e kampionit në Angli.

City e siguroi titullin e tretë në katër vjetët e fundit më 11 maj.

Në fakt, Manchester United u mposht nga Leicester City dhe kjo bëri që ekipi i Pep Guardiolës ta siguronte titullin para kohe.

City e mbylli sezonin si lider me 86 pikë, 12 më shumë se rivali lokal, Manchester United.

Të Kaltrit paraprakisht e kishin fituar edhe trofeun Carabao Cup.

City në fakt e mbrojti titullin e kampionit në Kupën e Ligës pasi e mundi Tottenhamin në “Wembley” me rezultat 1:0 në muajin prill, përcjell express.

Aymeric Laporte ishte hero i Cityt pasi e shënoi golin e fitores me kokë pasi e mori një top nga Kevin De Bruyne.

Kjo ishte hera e tetë që “Citizens” e fituan këtë trofe.

City i ka fituar tre tituj të kampionit në Angli me Guardiolën dhe tetë trofe të tjerë.

Kurse, FA Cup ra në duart e Leicester Cityt.

Ky ekip e fitoi këtë trofe për herë të parë në histori pasi e mundi në finale Chelsean me rezultat 1:0.

Hero i ish-kampionit anglez ishte Youri Tielemans, i cili e realizoi golin e fitores.