Covid-19 mbyll edhe një shkollë në Dragash, katër mësimdhënës dhe një nxënës dalin pozitiv

Nxënësit e shkollës “Ruzhdi Berisha” në Dragash sot nuk kanë mbajtur mësim. Pasi që ky institucion ishte në pritje të rezultateve të testimeve për COVID-19.

Komuna përmes një postimi në faqen zyrtare ka njoftuar se nga 50 mostra të testuara, pozitive kanë dal 5, nga ta 4 mësimdhëmës ka dalë të jetë i infektuar dhe 1 nxënës.

Kështu që edhe kjo shkollë ashtu si edhe të tjera tashmë, do ta vijojnë mësimin online.

Ky është njoftimi:

Të nderuar prindër, të dashur nxënës dhe staf i shkollës “Ruzhdi Berisha” në Dragash, pas dyshimeve që kishim rreth infeksionit me COVID-19 të mësimdhënësve të kësaj shkolle dhe njoftimit që pranuam sot nga ISHKPK doli se:

Nga 50 mostra të testuara, 4 mësimdhënës dhe 1 nxënëse rezultuan pozitiv.

Sipas rekomandimeve të IKSHPK task forca në nivel të DKA-së merr këtë vendim:

VENDIM

I. Procesi mësimor në Shml “Ruzhdi Berisha” në Dragash me datë 20.10.2020 kalon në skenarin C (mësimi në distancë )

II. Mësimi sipas skenarit A ( me prezencë në shkollë ) rifillon me datë 02.11.2020.

III. Për zbatimin e këtij vendimi kujdeset drejtoria e shkollës “Ruzhdi Berisha” në Dragash .

Arsyetim
Për arsye të infektimit të 4 mësimdhënësve dhe 1 nxënëse të kësaj shkolle me COVID-19, procesi mësimor zhvillohet sipas skenarit C sipas pikës I të këtij vendimi.

Pa panik, por me kujdes të shtuar!

Task forca në nivel të DKA-së Dragash