Deputeti i LDK’së shërohet nga Covid 19: Shumë herë mendova se nuk do t’ia dal

Deputeti i Lidhjes Demokratike të Kosovës, Fetah Rudi, ka arritur që me sukses ta kaloj testin për Covid 19. Pas 21 ditësh përballje me këtë virus, 16 nga to në Klinikën Infektive, Rudi ka njoftuar se sot është liruar nga kjo klinikë si i shëruar nga koronavirusi.

Ai ka shpjeguar edhe për përballjen me virusin duke thënë se ka kaluar ditë të vështira dhe të gjata.

“Shume dite e natë pa gjumë, me frymarrje te vështirësuar, e me nje kollitje te madhe. Ishin keto dite e nete te veshtira, ku shume here mendova se nuk do t’ia dal. Por, fal zotit dhe mjekeve, edhe kete sfide e tejkalova”, thuhet në njoftimin e Rudit.

Ky është postimi i plotë i tij:

Pas 21 ditesh ne perballje me Covid19, prej te cilave 16 ne Kliniken Infektive ne Prishtine, sot jam liruar dhe jam sheruar nga Covid19.

Shume dite e nete pa gjume, me frymarrje te veshtiresuar, e me nje kollitje te madhe. Ishin keto dite e nete te veshtira, ku shume here mendova se nuk do t’ia dal. Por, fal zotit dhe mjekeve, edhe kete sfide e tejkalova.

Falenderoj kryetarin Mustafa, kryeparalamentaren Osmani, ish kryeministrin Haradinaj, Kryetar e Nenkryetar komunash, kolege deputet, Ministra, zv. Ministra, shoke e dashamire, qe ne menyra te ndryshme me jeni gjendur prane.