Dështon votimi për pranimin e Kosovës në Eurovision

Votimi për ndryshimet e statusist në Asamblenë e Përgjithshme të EBU-së që po mbahet në OSLO, sapo ka përfunduar me një dështim për Kosovën.

Ndryshimet e statusit të EBU-së, të cilat do ta ndihmonin Radiotelevizionin e Kosovës (RTK), të bëhet anëtarë në këtë organizat kanë dështuar, pasi shumica e shteteve kanë votuar kundër këtyre ndryshimeve.

Ndryshimet e statusit, ishin inicuar nga disa shtete përkrahese të Kosovës, për të ndihmuar tentimin e shtetit të ri të bëhet anëtare në EBU dhe më pas edhe në festivalin evropian të këngës, “Eurovision Song Contest”.

Para fillimit të votimit, Serbia, Greqia, Qipro dhe 16 shtete tjera, kishin kërkuar që votimit të bëhet i fshetë dhe kjo kërkesë e tyre ishte pranuar.

Nga 1186 votues, 673 votuar kundër, 400 pro dhe 113 abstenuan, raporton Magazina.al

Tashmë Kosova do ta ketë të vështirë të bëhet pjesë e EBU-së, pasi në fuqi mbesin kriteret, që shteti duhet të jetë pjesë e ITU (Unionit Ndërkobëtar të Telekomunikacionit), për tu bërë pjesë e EBU-së, e dihet që në ITU pranohet vetëm shtetet anëtare të OKB-së.