Dogana në Bërnjak gjen në një veturë mbi 13 mijë euro të padeklaruara, ia konfiskon shoferit 25% prej tyre

Dogana e Kosovës përmes një komunikate të lëshuar për media ka njoftuar se sot në pikë kalimin kufitar të Bërnjakut kanë ndaluar një veturë, ku pas kontrollit të detajuar edhe tek shoferi, janë gjetur mbi 13 mijë euro të padeklaruara, shkruan Reporteri.net.

Në njoftim thuhet se në përputhje me procedurat 25% e kësaj shume do të konfiskohet, që do të thotë një shumë prej 3,337.50 euro.

Komunikata:

Parandalohet hyrja ilegale e mjeteve monetare

Bernjak, 7 shkurt 2024 në pikë kalimin kufitar të Brnjakut u ndalua një automjeti ku edhe u zbulua një sasi e konsiderueshme e mjeteve monetare të padeklaruara.

Pas ndaljes së automjetit nga oficerët doganorë, të cilët në bashkëpunim me Policinë e Kosovës, kryen kontrollin e hollësishëm të automjetit. Gjatë këtij kontrolli, në çantën e drejtuesit të mjetit u zbulua një shumë e mjeteve monetare të padeklaruara në lartësinë prej 13,350 euro.

Në përputhje me procedurat 25% e kësaj shume do të konfiskohet, që do të thotë një shumë prej 3,337.50 euro. Kjo masë është ndërmarrë si pasoje e shkeljes së rregullave të deklarimit të monetar, derisa shuma e mbetur do të nënshtrohet një verifikimi të mëtejshëm në lidhje me origjinën e këtyre mjeteve monetare, në bashkëpunim me sektorët kompetentë dhe në koordinim me prokurorinë.

Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi.