Drejtorit të policisë ia gjejnë tualetin me ari në banesë

Një tualet superluksoz i praruar me arë është gjetur ndërtuar në vilën e një drejtori policie të një rajoni në Rusi i arrestuar për akuzën e korrupsionit. Vila superluksoze u kontrollua gjatë një operacioni bastisjeje nga hetuesit rusë të cilët thanë se shkatërruan një bandë policësh të korruptuar.

Agjencia federale ruse, SK, publikoi video të superluksit të gjetur gjatë këtyre bastisjeve.

Në pranga ka rënë drejtuesi i policisë rrugore në rajonin Stavropol, Col Alexei Safonov së bashku me 6 persona të tjerë.

Kreu i policisë rrugore akuzohet se merrte rryshfet duke i dhënë leje false bizneseve, për të kaluar pa u kontrolluar në pika kufitare kamionë të tërë me grurë dhe material ndërtimi.

Akuzat ende janë në proces hetimi.

Autoritetet ruse thanë se kishin kryer 80 bastisje mes tyre dhe në banesën e kreut të policisë rrugore dhe kishin sekuestruar edhe sasi të mëdha parash kesh si dhe makina luksi.

Komiteti investigativ, SK – (Agjencia federale ruse është një strukturë e ngashme me FBI në SHBA – thotë se banda e Safonov merrte rryshfet që varionte në më shumë se 225 mijë dollarë, dhe kjo veprimtari është kryer për vite të tëra.

Nëse shpallet fajtor Safovon rrezikon 15 vite burg, ndërsa mes të arrestuarve është dhe paraardhësi i tij, Alexander Arzhanukhin.

Mediat ndërkombëtare shkruajnë se zbulimi i pazakontë i tualetit të praruar me arë në banesën e drejtorit të policisë ka tërhequr vëmendjen më shumë se vetë operacioni i bastisjes.