Drita fiton derbin ndaj Llapit, fitojnë edhe Gjilani e Ulpiana

Kanë përfunduar tri ndeshjet e para të xhiros së 11-të në Superligën së Kosovës.

Gjilani mposhti minimalisht Feronikelin, me rezultat 1-0, Drita triumfoi 1-3 kundër Llapit, ndërsa Ulpiana fitoi 2:1 ndaj Malishevës.

Ndeshja më interesante ishte ajo mes Llapit dhe Dritës, ku fituan gjilanasit.

Për Dritën shënuan, Astrit Fazlit në min e 5-të, Hamdi Namani në min e 34-të dhe Marko Simonovski në min e 72-të, kurse për vendasit golin e vetëm e shënoi Alban Shillova nga penalltia në min 45+2-të.

Me këtë fitore Drita ka 19 pikë në vendin e dytë, kurse Llapi mbetet e shtata me 12 pikë.

Gjilani në anën tjetër mposhti Feronikelin minimalisht 1-0.

Golin e vetëm në këtë takim e realizoi Blerin Krasniqi në min e 64-të.

Gjilani tani prin në tabelë me 20 pikë, Feronikeli mbetet në fund me 10 pikë.

Ulpiana mposhti si mysafirë Malishevën me rezultat 2:1

Golat për Ulpianën u shënuan nga Santosi në min e 16-të dhe Ardi Shala në min e 52-të, kurse për Malishevën shënoi Gentrit Ulluri në min e 88-të

Ulpiana ngritet në pozitën e nëntë me 10 pikë, ndërsa Malisheva mbetet në pozitën e gjashtë me 12 pikë.