Dy të akuzuarit pranojnë fajësinë për sulmin ndaj KFOR-it në veri – 6 muaj burgim ndaj njërit, e 6 mijë euro gjobë tjetrit
Gjykata Themelore në Prishtinë ka shpallur aktgjykim dënues ndaj Radosh Petroviq dhe Dushan Obrenoviq, të akuzuar për sulmin ndaj pjesëtarëve të KFOR-it në Zveçan, në maj të vitit të kaluar.
Aktgjykimi u dha pasi palët kanë arritur një marrëveshje me Prokurorinë Speciale dhe kanë pranuar fajësinë për veprën “pjesëmarrje në turmë që kryen vepër penale dhe huliganizëm”.
Petroviq është dënuar me 6 mijë euro gjobë dhe Obrenoviq me 6 muaj burgim, e në këtë dënim i llogaritet koha e kaluar në paraburgim. Nën masën e tillë, Obrenoviq kishte qëndruar për mbi 5 muaj.
Të dy u arrestuan më 29 maj të vitit të kaluar në Zveçan në veri të Kosovës, gjatë përleshjeve mes protestuesve serbë dhe pjesëtarëve të KFOR-it.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]