Dy të arrestuar për prerje ilegale të pyjeve në Bajshe të Istogut
Dy persona janë arrestuar sot pasi janë kapur duke prerë ilegalisht drurë në bjeshkën Bajshe të Istogut.
Policia ka ndaluar automjetin kamion i tipit Mercedes, me targa vendore, ku pas verifikimit nga zyrtarët policorë është konstatuar se në automjet ka drurë teknikë breu pa dokumentacione përkatëse.
Të dyshuarit N.Z. (1989) dhe V.H. (1982), me urdhër të prokurorit janë ndaluar për 48 orë, ndërkaq drurët u janë konfiskuar.
Po sot, në bjeshkën e Radushës, policia ka ndaluar një automjet tjetër, kamionetë e tipit Mercedes, po ashtu me targa vendore, ku gjatë kontrollit ka rezultuar se ka të ngarkuar drurë teknikë breu, pa dokumentacione përkatëse.
Lidhur me rastin është njoftuar prokurori, është iniciuar edhe rasti për keqpërdorim i pozitës apo autoritetit zyrtar dhe me urdhër të prokurorit i dyshuari po ashtu ndalohet për 48 orë. Po ashtu masa drurore prej 8.50 metra kub është sekuestruar.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]