E besoni apo jo, gruaja lind beben mbi një pemë pasi iku për të shpëtuar nga përmbytjet

Një grua lindi beben e saj në një pemë mangoje, ndërsa ishte ngjitur për të shpëtuar nga përmbytjet në Mozambik të shkaktuar nga cikloni Idai.

Nëna Amelia solli në jetë vajzën e saj, Sara, ndërsa u ngjit në degët e pemës me djalin e saj dyvjeçar.

Familja u shpëtua dy ditë më vonë nga fqinjët, pas stuhive që kanë vrarë më shumë se 700 vetë.

Ajo vjen gati 20 vjet pasi një tjetër fëmijë i mrekullisë, Rosita Mabuiango, lindi në një pemë gjatë përmbytjeve në Mozambikun jugor.

“Isha në shtëpi me djalin tim dyvjeçar kur papritmas, pa paralajmërim, uji filloi të hyjë në shtëpi,” tha ajo për UNICEF, agjencinë e fëmijëve të OKB-së.

“Nuk kisha zgjidhje tjetër përveçse të ngjitesha në një pemë, isha vetëm me djalin tim”.

Amelia dhe familja e saj e sapokrijuar tani po qëndrojnë në strehim të përkohshëm në Dombe aty pranë, dhe thuhet se janë në gjendje të mirë shëndetësore.

Rosita Mabuiango, tani e moshës 19 vjeç, u bë lajm ndërkombëtar pasi ajo dhe nëna e saj Sofia u shpëtuan nga helikopteri nga një pemë e rrethuar nga përmbytja.

Duke folur me gazetën lokale Mail dhe Guardian, Sofia tha se lindja ishte “shumë, shumë e dhimbshme”.

Ajo shtoi: “Shumë njerëz humbën gjithçka në përmbytje, por kam fituar diçka”.

Por në një intervistë me BBC, Rosita tha se premtimet për një bursë qeveritare, dhe një udhëtim i paguar në Amerikë me financimin e qeverisë amerikane, kishin mbetur të gjitha të paplotësuara.