E guximshmja Rita Ora – merr gjarprin dhe e vendos atë mbi fytyrën e saj

Këngëtarja shqiptare me famë botërore, Rita Ora, është edhe sivjet anëtare e jurisë në spektaklin shumë të shikuar, “The Voice Australia”.

Ajo nuk i rezistoi tundimit, kur një nga konkurrentët solli gjarprin e tij me vete gjatë kohës sa interpretonte para trajnerëve në audicionet e fshehura.

Kjo bëri që Rita t’i drejtohet konkurrentit të quajtur Jerrod Smith, duke e pyetur nëse mund ta shihte nga afër gjarprin e tij.

Dhe pa asnjë frikë, këngëtarja e lindur në Kosovë u ngjit në skenën e spektaklit të talenteve, duke parë nga afër gjarprin e konkurrentit.

Më tej, ajo e mori atë dhe e hodhi mbi krahët e saj, ndërkohë që publikuar dhe anëtarët e tjerë të jurisë mbetën të mahnitur nga trimëria e saj, pasi gjarpërinjtë njihen si një prej specieve nga e cila shumë njerëz kanë frikë.

“Ajo është kaq e bukur! Shikojeni, ajo është po aq e bukur sa ju. Edhe ti je i bukur”, tha Rita teksa në të njëjtën kohë flirtoi me Jerrodin.

Por pasi nuk arriti të kthente karrigen e Ritës, një Jerrod i pacipë u përgjigj: “Oh, faleminderit. Je i sigurt që nuk dëshiron të kthesh karrigen?”, transmeton telegrafi.

Rita përndryshe ka më shumë se një vit që ka krijuar një lidhje të veçantë me kontinentin australian dhe oqeanik – atje ku edhe ka gjetur dashurinë e saj, regjisorin Taika Waititi.