Edhe një futbollist kosovar gati të largohet nga Premier Liga për Lazion
Një ish-kampion bote për Lazion dhe Igli Taren. Pas afrimit të Vedat Muriqit për sulmin, klubi kryeqytetas mund të shtojë edhe më tepër koloninë shqipfolëse. Ndërsa të kaltrit janë në kërkim të një qendërmbrojtësi, në orët e fundit ai që i është ofruar Lacios është Shkodran Mustafi.
Kosovari me nënshtetësi gjermane, me kombëtaren e të cilës fitoi Botërorin 2014, nuk është i lumtur tek Arsenali dhe mësohet se i është ofruar Igli Tares, për të bërë rikthimin e tij në Serinë A, pas aventurës me Sampdorian.
“Topçinjtë” gjithashtu do të ishin të lumtur të largonin Mustafin, për të cilin kërkojnë 15 milionë euro, ndonëse duken të hapur edhe për një mundësi huazimi me të drejtë blerjeje.
Tare, i cili natyrisht e njeh mjaft mirë Mustafin, duket i tunduar nga ideja, por paga prej 4.5 milionësh që mbrojtësi fiton nga Arsenali është jashtë parametrave. Por, nëse Mustafi përgjysmon pagën, gjithçka mund të ndodhë deri më 5 tetor.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]