Edhe sot priten reshje shiu e shkarkime rrufesh
Mot i ndryshueshëm, me diell e vranësira të cilat gjatë ditës parashihet të shoqërohen me riga shiu dhe shkarkime rrufesh, do të mbajë të mërkurën në Kosovë.
Siç ka bërë të ditur Instituti Hidrometeorologjik i Kosovës, reshjet më të fokusuara parashihen në jug të vendit, kryesisht rrëzë maleve, ndërsa pjesët tjera të territorit, duke mos e përfshirë të gjithë territorin, parashihen të kenë më pak reshje.
Vlerat e temperaturave minimale do të lëvizin ndërmjet 11-15 gradë celsius, ndërsa maksimalet e ditës parashihen të lëvizin ndërmjet 25-31 gradë celsius.
IHMK-ja ka bërë thirrje për kujdes për shkak të rrezeve të rrezikshme të diellit.
Të martën, si pasojë e erërave dhe shiut në disa zona u shkaktuan dëme në tokat bujqësore e prona.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]