Enver Hoxhaj është kandidati i PDK-së për kryeministër
Enver Hoxhaj, ushtruesi i detyrës së kryetarit të PDK’së do të jetë kandidat i partisë për kryeministër.
Gazeta Express mëson se Partia Demokratike e Kosovës ka mbajtur mbledhjen e kryesisë dhe ka vendosur që Hoxhaj të jetë bartës i listës dhe kandidat për shef të Qeverisë.
PDK’ja ka mbetur pa kryetar, prej kur Kadri Veseli u arrestua dhe po mbahet në Hagë nën dyshimet për krime të luftës.
Vendi do të shkojë në zgjedhje të parakohshme, pasi Gjykata Kushtetuese doli me vendim se votimi i Qeverisë së Avdullah Hotit është jokushtetues, sepse aty ka votuar deputeti Etem Arifi, i dënuar me burg.
Në listën e ngushtë të kandidatqëve të ngushtë që PDK’së për kryeministër janë përmendur Hoxhaj dhe shefi i Grupit Parlamentar të PDK’së, Bedri Hamza.
Ky i fundit ka thënë se nuk ka ambicie për të qenë kandidat.
Enver Hoxhaj ka qenë zëvendëskryeministër në Qeverinë e Ramush Haradinajt dhe ministër i Punëve të Jashtme në Qeverinë e Isa Mustafës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]