Ferizaj: Gjendet i pajetë 33-vjeçari i zhdukur para tri ditësh, arrestohet një person në lidhje me rastin
Sot rreth orës 19:00 është gjetur pa shenja jetë një 33-vjeçar nga Ferizaj. Personi me iniciale SH.B (m) është raportuar i humbur që nga data 09.12.2019. Hetuesit rajonal kanë arritur që sot rreth orës 19:00 të gjejnë trupin e pajetë të viktimës, shkruan Telegrafi.
Sipas Policisë së Kosovës, trupi i viktimës është gjetur skaj rruge mes fshatit Gadime dhe Kishnapole. Në vendin e ngjarjes kanë dalë njësitet policore si dhe ekipi mjekësor i mjekësisë ligjore .
Pas hetimeve fillestare, hetuesit policor kanë arrestuar një person të dyshuar lidhur me këtë rast dhe ndaj tij, me urdhër të prokurorit është marrë masa e ndalimit prej 48 orësh.
Në vendin e ngjarjes ka dalur edhe Prokurori i Shtetit dhe me urdhër të tij trupi i pajetë i viktimës është dërguar në Institutin e Mjekësisë Ligjore në Prishtinë për obduksion. Janë duke vazhduar hetimet për zbardhjen e rrethanave të rastit.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]