Feronikeli pritet të mbush arkën pas fitimit të titullit kampion. Ekipi nga Drenasi merr vetëm 50 mijë euro shpërblim nga Federata e Futbollit e Kosovës, por fondet më të mëdha vijnë nga UEFA, shkruan Gazetasheshi.com.
Kështu 260 mijë euro “industrialistët” do ti arkëtojnë në konton e tyre si kampion i Kosovës nga UEFA, ndërkohë edhe 220 mijë të tjera do të shprazen në xhirollogarinë e tyre për pjesëmarrje në ciklin parakualifikues për Champions League.
Mbi gjysmë milioni euro për kampionin e ri të vendit, teksa kjo shumë mund të rritet varësisht nga performanca e tyre në garat ndërkombëtare.
Kujtojmë se cikli parakualifikues i Ligës së Kampionëve këtë edicion do të luhet në Prishtinë.