Fitore e rëndësishme e Golden Eagle Ylli në derbin kundër Trepçës
Golden Eagle Ylli ka shënuar fitore ndaj Trepçës të dielën mbrëma në prani të rreth 1500 shikuesve në palestrën “Minatori” në Mitrovicë me rezultat 81:75 në kuadër të xhiros së XVI në Superligën e Kosovës në basketboll.
Më të merituarit për triumfin e Golden Eagle Yllit ishin Clayton Everett me 23 pikë, 12 kërcime e 8 asistime, Romelo Banks me 18 pikë e 10 kërcime, Garrius Holloman me 12 pikë, 18 kërcime e 5 asistime dhe Leonard Mekaj me 12 pikë, 4 kërcime e 6 asistime.
Te Trepca më të dalluarit ishin Samir Zekiqi me 18 pikë e 3 kërcime, Aaron Anderson me 15 pikë e 9 asistime dhe Besnik Azemi me 14 pikë, 7 kërcime e 3 asistime.
Golden Eagle Ylli pas 16 xhirove në Superligë zë vendin e dytë me 11 fitore e 5 humbje, gjithsej 27 pikë të grumbulluara, pesë më pak se lideri Z Mobile Prishtina.
Në anën tjetër Trepca ka bilanc prej 7 fitore e 9 humbje, me 24 pikë të tubuara që e renditin në pozitën e pestë në tabelë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]