Flamurtari i pandalshëm, kërkon fitoren e radhës
Skuadra e Flamurtarit do ta kërkojë edhe triumfin e katërt rresht në Grupin B të Ligës së Parë të Kosovës në futboll. Pas fitores ndaj Ulpianës, Vitisë e Dardanës, skuadra e Flamurtarit synon ta mposhtë edhe 2 Korrikun, në duelin e xhiros së 24-t.
Kjo ndeshje zhvillohet të shtunën prej orës 15:00 në Prishtinë dhe transmetohet në KTV.
Flamurtari është i dyti në Grupin B me 40 pikë, derisa 2 Korriku zë vendin e tretë dhe ka katër pikë më pak. Në tabelë prin skuadra e Ulpianës me 43 pikë. Ulpiana e pret në shtëpi ekipin e fundit në tabelë, KEK-un, të shtunën.
Kohavisioni do ta transmetojë edhe një ndeshje tjetër të kësaj kategorie, por që i takon Grupit A. Dueli ndërmjet Malishevës dhe Vushtrrisë do të jetë direkt në KTV të dielën prej orës 15:00. Malisheva është e dyta në grup me 48 pikë, një më pak se Dukagjini që është lider dhe të shtunën në Klinë e pret Onixin. Ndërkohë skuadra e Vushtrrisë renditet e fundit në tabelë me vetëm 17 pikë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]