Fotografi të “Ever Given” që zbulojnë dëmet që pësoi pas bllokimit të Kanalit të Suezit

Anija masive e kontejnerëve Ever Given e njohur për bllokimin e Kanalit të Suezit në mars u pa në Qingdao, Kinë, teksa iu nënshtrua riparimeve.

Sipas mediave të huaja, përcjell Telegrafi, fotografitë e publikuara në tetor zbulojnë se si gjashtë ditë brenda kanalit shkatërruan harkun e anijes.

Dëmi është aq i madh saqë është përgatitur një “seksion i tërë i ri i harkut të poshtëm”, sipas Dr. Salvatore R. Mercogliano, një profesor i asociuar i historisë në Universitetin Campbell dhe profesor ndihmës në Akademinë e Marinës Tregtare të SHBA.

So, what does it look like when you run your bow into Asia at 13 knots and close the Suez Canal for six days in March?#EverGiven pic.twitter.com/pIzAPNvZse

— Sal Mercogliano 🚢⚓🧭🐪🚒🏴‍☠️ (@mercoglianos) November 2, 2021

“Ata do ta presin të gjithë atë zonë dhe do ta zëvendësojnë me të renë që kanë fabrikuar”, tha ai në një postim në Twitter.

Siç thuhet më tej, më shumë se 1 milion metër kub rërë dhe baltë u hoqën nga rrethi i anijes.

Ever Given peshon 220,000 ton, duke e bërë atë një nga anijet më të mëdha të kontejnerëve në botë.