FSK-ja parakalon për herë të parë si Ushtri për festën e 11 vjetorit të Pavarësisë
Festa për 11-vjetorin e pavarësisë ka mbushur të shtunën sheshet e Prishtinë plot vizitorë.
Në mëngjes nga objekti i qeverisë, 7 kopje të deklaratës së pavarësisë janë nisur për në komunat më të mëdha të vendit, raporton KTV.
Një nga to është vendosur në sheshin “Nëna Terezë”.
Deklarata është dërguar edhe në Mitrovicë, Pejë, Prizren, Gjilan, Gjakovë dhe Ferizaj.
Në 11-vjetorin e shtetësisë, qytetarët presin ndryshime në vend.
Në shesin “Zahir Pajaziti”, gjatë ditës, është hapur edhe ekspozita me simbole të Pavarësisë së Kosovës.
Organizatori i kësaj ekspozite ka thënë se ekspozita i kushtohet ushtrisë dhe parakalimit që do të ketë ajo për herë të parë si ushtri.
Lokalet në kryeqytet kanë vendosur flamuj të shteteve që e kanë njohur vendin.
Në ndërkohë, qendra është bërë gati edhe për manifestimin qendror që është të dielën.
Ushtria e Kosovës pritet të parakalojë në sheshe në mesditë, derisa do të ketë edhe mbledhje solemne të Qeverisë dhe Kuvendit të Kosovës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]