Gjashtë milionë euro për katër kilometra autostradë në Deçan
Në dalje të Deçanit për në Gjakovë, të premten, është përuruar nisja e punimeve për zgjerimin e rrugës kryesore të Deçanit, që shtrihet në segmentet rrugore të rrugëve “Dëshmorët e Kombit” dhe “Luan Haradinaj”, shkruan sot Koha Ditore.
Me këtë projekt parashihet ndërtimi i rrugës me dy korsi, që kalon nëpër qytet, prej “Urës së Demës” nga drejtimi i Pejës në hyrje të Deçanit, e deri përtej fshatit Cerrabreg, në dalje të Deçanit në drejtim të Gjakovës. Gjithsej janë rreth 4 kilometra gjatësi, dhe përveç zgjerimit të rrugës, ky projekt parasheh ndërtimin e parkingjeve përgjatë rrugës, katër rrethrrotullime rrugore, trotuare, ndërtimi nën rrugë i sistemit të kanalizimit e ujësjellësit, ndriçimi i rrugës, një shteg gjelbërues dhe kanalet atmosferike.
Projekti në vlerë prej 5 milionë e 884 mijë eurosh do të bashkë financohet nga Komuna e Deçanit dhe Ministria e Infrastrukturës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]