Gjashtë të lënduar në një aksident trafiku në Lupç të Podujevës

Një aksident trafiku ka ndodhur sot rreth orës 14:00 në magjistralen Podujevë-Prishtinë, përkatësisht në fshatin Lupç.

Në këtë aksident janë përfshirë dy automjete, ku për pasojë kanë mbetur të lënduar gjashtë persona.

Rastin për Telegrafin e ka konfirmuar edhe zëdhënësi i Policisë së Kosovës, Daut Hoxha.

“Më 20.09.2020, rreth orës 14:00, Policia ka pranuar një informacionin lidhur me shkaktimin e një aksidenti me lëndime dhe dëme materiale ne rrugën magjistrale Prishtinë-Podujeve, konkretisht ne fshatin Lupç. Menjëherë në vendin e ngjarjes ka dal njësia policore, si dhe është njoftuar emergjenca e cila po ashtu ka mbërri ne lokacion. Sipas informacioneve fillestare, dy automjete janë të përfshira në këtë aksident dhe raportohet se 6 persona kane marr lëndime trupore. Njësitë kompetente të trafikut rajonal janë duke kryer procedurat hetimore dhe po kryejnë vendshiqimin. Njeri shirit i rrugës është mbyllur deri ne kryerjen e procedurave te nevojshme dhe matjeve nga trafiku rajonal i Prishtinës, por kompletim të mëtejmë të rastit”, tha Hoxha.