Është gjetur vajza-19 vjeçare nga Obiliqi, e cila ishte raportuar e zhdukur prej ditësh.
19 vjeçarja po intervistohet në stacionin e policisë dhe ndodhet në gjendje të mirë shëndetësore.
Kështu ka bërë të ditur për lajmi.net, zëdhënësja e Policisë për Rajonin e Prishtinës, Flora Ahmeti.
“Sot rreth orës 16: 00 është gjetur (gjendjen shëndetësore e ka të mirë) vajza e zhdukur ditë më parë në Obiliq. E njëjta aktualisht ndodhet në stacion policor deri në kompletimin procedural të rastit”, tha Ahmeti.
19-vjeçarja është zhdukur më 3 nëntor dhe nga ajo datë familja nuk ka pasur njohuri për vendodhjen e saj.