Gjermani: Dyshohet se e vrau turkun 31 vjeçar, arrestohet 23 vjeçari shqiptar
Një 23 vjeçar shqiptar është arrestuar nga policia gjermane.
Bëhet fjalë për një shqiptar me emrin Fisnik H, i cili dyshohet se para dy javësh e ka vrarë një 31 vjeçar turk.
Ngjarja tragjike ka ndodhur në qytetin e Kiel-it më 28 qershor.
Me këtë datë pak para mesnatës në rrugën “Gustav-Schatz-Hof” në qytetin e Kielit, shqiptari ka qëlluar disa herë mbi 31-vjeçarin turk, i cili vdiq në spital pavarësisht përpjekjeve të mjekëve për ta shpëtuar.
Ende nuk janë bërë të ditura arsyet e këtij rasti.
Fisnik H, ishte larguar nga vendi i ngjarjes në drejtim të panjohur, raportojnë mediat gjermane përcjell Klankosova.tv.
Ai u shpall në kërkim nga autoritetet gjermane, duke ofruar tre mijë euro në kërkim të informacioneve për vendndodhjen e tij.
Shqiptari u arrestua të dielen pasdite në qytetin e Kiel-it në Gjermani.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]