Gjykata merr një vendim ndaj dy edukatoreve të “Cambridge Kids”
Gjykata Themelore në Prishtinë ka refuzuar kërkesën e Prokurorisë për caktimin e masës së paraburgimit kundër të dy edukatoreve që dyshohet se u përfshin në keqtrajtimin e një fëmije në çerdhen “Cambridge Kids”.
Gjykata i ka caktuar dy të pandehurave: T.G. dhe Sh.A., masën e arrestit shtëpiak për një muaj secilës.
Edukatorja T.G. dyshohet për kryerjen e veprës penale “keqtrajtimi apo braktisja e fëmijës”, ndërkaq e edukatorja Sh.A. dyshohet për veprën penale të “mosraportimit të abuzimit me fëmijë”.
“Gjykata ka konstatuar se masa e arrestit shtëpiak iu caktohet në bazë të nenit 183 par.1 nënpar.1.1 e 1.2 lidhur me nenin 187 par.1 nënpar.1.2 pika 1.2.3 të KPPRK-së”, thuhet në njoftimin e Gjykatës.
Palët kanë të drejtë ankese kundër këtij vendimi në Gjykatën e Apelit të Kosovës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]