Gjysma e Prishtinës pa ujë, Ujësjellësi njofton se kur do të kthehet furnizimi
Kompania Rajonale e Ujësjellësit “Prishtina” ka bërë me dije se sot rreth orës 19:00 pritet të rikthehet furnizimi me ujë për disa lagje të Prishtinës.
Lagjet e kryeqytetit, Dardania, Kalabria dhe Lakrishte kanë mbetur pa ujë gjatë të mërkurës si pasojë e prishjes së një gypi të ujit në rrugën “Ilaz Kodra” të Prishtinës.
“Zgjatja e sanimit ka ndodhë për shkak të natyrës më të ndërlikuar të dëmtimit. Sipas informacioneve nga terreni, furnizimi me ujë pritet të rikthehet rreth orës 19:00”, ka njoftuar KRU “Prishtina” përmes një komunikate për media të mërkurën.
KRU “Prishtina” ka kërkuar mirëkuptim nga qytetarët për problemin e paraqitur, që i ka lënë pa ujë disa lagje të kryeqytetit.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]