Haradinaj fton qytetarët e komunave veriore të dalin në zgjedhje
Sot presidenti, Hashim Thaçi ka shpallur zgjedhjet në katër komunat veriore.
Kryeministri i vendit, Ramush Haradinaj ka ftuar qytetarët e katër komunave veriore që të dalin në zgjedhje dhe të votojnë kandidatët e tyre.
Tutje, kryeministri ka bërë thirrje për zgjedhje të lira dhe demokratike, përcjell lajmi.net.
Postimi i plotë:
Pas vendimit të Presidentit të Republikës së Kosovës, për shpalljen e zgjedhjeve në Komunat e Zubin Potok, Zveçan, Leposaviq, dhe Mitrovicë e Veriut, ftoj subjektet politike të cilat garojnë në zgjedhjet e 19 Majit 2019, ta shfrytësojnë të drejtën e tyre kushtetuese për të përfaqësuar interesat e qytetarëve, duke marrë pjesë në këto zgjedhje.
Gjithashtu ftoj qytetarët e këtyre Komunave për të dalë në këto zgjedhje dhe të votojnë kandidatët më të mirë, që do të punojnë në të mirën e qytetarëve të këtyre komunave.
Bëj thirrje për zgjedhje të lira dhe demokratike, bazuar në Kushtetutën dhe ligjet tona dhe standardet më të larta demokratike ndërkombëtare.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]