Haradinaj: Marrëdhëniet e shkëlqyera me Britaninë t’i shndërrojmë në një dimension të ri

Kryeministri i Kosovës, Ramush Haradinaj, është takuar me Komisionerin për Tregti për Evropë në Britaninë e Madhe, Andrew Mitchell.

Sipas tij, mbështetjen e jashtëzakonshme dhe marrëdhëniet e shkëlqyera me Britaninë e Madhe ka ardhur koha t’i shndërrojmë në një dimension të ri të bashkëpunimit me interes të dyanshëm.

Ai ka thënë se me e Komisionerin për Tregti për Evropë në Britaninë e Madhe, Andrew Mitchell, kanë shprehur vullnetin e përbashkët për fuqizimin e partneritetit ekonomik ndërmjet dy vendeve.

Ky është postimi i plotë:

Mbështetjen e jashtëzakonshme dhe marrëdhëniet e shkëlqyera me Britaninë e Madhe ka ardhur koha t’i shndërrojmë në një dimension të ri të bashkëpunimit me interes të dyanshëm.

Me Komisionerin për Tregti për Evropë në Britaninë e Madhe, Andrew Mitchell, shprehëm vullnetin e përbashkët për fuqizimin e partneritetit ekonomik ndërmjet dy vendeve, si dhe diskutuam për mundësitë e rritjes e investimeve nga kompanitë britanike në Kosovë.

Të arriturat e vendit në avancimin e infrastrukturës ligjore, veçmas me Ligjin e Investimeve Strategjike, kanë hapur kapitull të ri për zhvillimin e ekonomisë së Kosovës dhe janë garantues për investitorët e huaj.