Haxhiu: Pandemia po menaxhohet falë investimeve të PDK-së në shëndetësi
Deputeti i PDK-së, Bekim Haxhiu thotë se qeveria aktuale dhe ajo paraprake kanë dështuar në menaxhimin e pandemisë. Haxhiu në “Debat Plus” me Ermal Pandurin në RTV Dukagjini ka thënë se maskat në Kosovë janë bërë biznes.
“Çfarë garancioni kemi për këto maska. Kush i ka prodhuar këto maska që gjenden në treg?!”, tha ai, përcjell Telegrafi. Haxhiu thotë se maskat duhet të licencohen bashkë me kompanitë që i sjellin në Kosovë.
“90 për qind e maskave që po vijnë në Kosovë janë prodhim kinez. U mbetet institucioneve ta vlerësojnë cilësinë e tyre”. Ai thotë se ministri i Shëndetësisë nga radhët e PDK-së, Uran Ismaili ka refuzuar një donacion të maskave pasi nuk kishin plotësuar kriteret e cilësisë.
Deputeti i PDK-së thotë se situata momentale po menaxhohet vetëm falë investimeve të PDK-së në shëndetësi dhe personelit të mirë shëndetësorë. “Edhe kjo qeveri edhe ajo paraprake kanë dështuar në menaxhimin e pandemisë”, deklaroi ndër të tjera Bekim Haxhiu.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]