Hoti, Haradinajt: Nuk ka nevojë për konferencë, Kosova ka institucione që bartin përgjegjësi për dialogun me Serbinë
Zëvendëskryeministri i Kosovës, Avdullah Hoti, ka reaguar pas propozimit të Ramush Haradinajt, kryetarit të AAK-së për mbajtjen e një konference para se të arrihet marrëveshja përfundimtare me Serbinë.
Hoti tha se nuk është nevoja të mbahet një konferencë pasi Kosova ka institucione legjitime të dalura nga zgjedhjet 6 tetorit, të cilat sipas tij bartin përgjegjësitë kushtetuese, përfshirë edhe dialogun me vendin fqinj, Serbinë.
“Duhet vetëm ushtrim i përgjegjësive kushtetuese nga secili. Kryeministri duhet të marrë përsipeër dialogun ashtu siç e definon edhe aktgjykimi i Gjykatës Kushtetuese. Presidenti duhet të qëndrojë brenda kompetencave të veta kushtetuese”.
“Kuvendi duhet të kërkojë transparencë në këtë proces dhe të mbikëqyre procesin duke ftuar Kryeministrin në raportim të rregullt, por edhe duke nxjerr rezoluta nëse e sheh të nevojshme të shpreh qëndrimin e vet, për të kornizuar më qartë dialogun”, ka thënë Hoti.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]