Hoti kritike ndaj Qeverisë Kurti: Me këtë buxhet do të kemi largim të kuadrove nga ushtria

Deputeti i LDK-së, Avdullah Hoti, ka kritikuar Qeverinë Kurti për buxhetin që e ka ndarë për FSK-në.

Ai, me anë të një postim në rrjetin social Facebook, ka deklaruar se me këtë buxhet do të ketë largim të kuadrove nga ushtria.

“Dje, të gjithë u gëzuam me avancimin e statusit të Kosovës në Asamblenë Parlamentare të NATO-s. Por Qeveria e Kosovës nuk është duke punuar në ngritjen e kapaciteteve të FSK-së sipas planit 10-vjeçar të dakorduar me aleatët. Kjo dëshmohet me ndarjet buxhetore këto vite që shkuan, si dhe në planifikimet në tri vitet në vijim”.

“Në “Kornizën Afatmesme të Shpenzimeve 2025-2027, të cilën Qeveria e ka sjell në Kuvend para disa jave, shpenzimet për mbrojtje mbesin larg standardit të NATO-s prej 2% të vlerës së Produktit të Brendshëm Bruto”.

“Kështu nuk ndërtohet një ushtri që tenton të anëtarësohet në NATO. Kështu nuk mund të mbahet as stoku aktual i armatimit. Me këtë buxhet do të kemi largim të kuadrove nga ushtria. Me këtë buxhet nuk do të jetë tërheqëse për të rinjtë për të ndërtuar karrierë ushtarake”, ka thënë Hoti.